Yawre dow Leñol

Sabu kuugal neɗɗo gooto waawaaka dallinoreede yawre dow leñol fow.

Si hiɗon mari ko ñaawon hakkunde mon e Monenmbo ñaawee, si ko yennugol mo maa itto bote e makko waɗee.

Si tawii ko daraja makko on ka ganndal daraja mo feloore ɓadaaki hay e batte to winndere jannguɓe hutiɗon, haray ndan pucci ndan hollaande e mon!

Si tawii on waawaali wonde e sago wondema Ahmed seeku tuuree (AST) ko lanɗo wonnoo e tugalal tawaangal e pinal taariika men... Mo ŋiñoore diwaa e golle mun, haray ko loppoti mon.

Si tawii ɗon felliti wonde AST wonaano lanɗo kala Ginenaajo, bal ko o lanɗo gorel e jeyal seeɗaaɓe e jamaa on, hisuɗo e kala feloore hay moƴƴinaynde ko haccati mon.

Si tawii on anndaa hari wondema AST e ɗuuɗugol mo hannduyeeji, e ɗuuɗugol mo kattane himo marnoo ellaaji, e kadi o huuwii kuuɗe bonɗe kaanare, si ko non haray majjere mon wanaa ko juhin mi.

Si tawii on waawii salanaade goɗɗo jojjannde seeditagol yoga e taarika mo o wuuri, moodi! Onon e Mamadi on seedaa-ye! E kala njaggunkeejo mo waawɗon miijaade.

Kala ko waawɗon waɗde, weli on metti on, AST mo mari yoga e geɓal kaanaral ka taariika leydi men .e ngal geɓal ko filleteengal haa maddal-basari ko tawde non" Hay e gooto alaa nden jojjannde momtugol taariika renndo"... Hary kori ardinee hakkil!!!

Si ɗum fow yawtii, kere Cerno monenmbo ko leñol o ŋiñi kaa ko AST e golle mum?

Ko haɗi on waɗugol lirbondiral hara on hawaali leñol wondude e ngayngu e hunƴeendi?

E ngal wenjondiral mon e cerno monenmbo, haaju pati an ɓe waawataa windude sakko jannga e ɗum! Pati an ɓe jaɓataa hay fillagol fii makko sabu maandeeji bonɗi ɗi ɓe joganii on neɗɗo?

Ɓiɗɗo jibinaaɗo kesun haaju makko e ɗum?

Ɓen cernooɓe jooɗiiɓe ka nderndeeri fuuta, woɗɗiiɓe dawro e pooɗondire mon meereeje, ɓen ɓe golle mun woni jannugol guraana tun e rewugol Allah, ko wondiɓe e kuɗol Monenmbo?

Ko honɗum waawata wajimmbinde nguu ngayngu e anngal teddungal faade e leñol fow? Hara ko anngal needi, tooke, anngal pinal? Ko honɗum?

En fow hiɗen anndi si tawnoo hara nunɗal hino woodanoo ka leydi men ɗoo, oo martaba mo wonɗon e mun e wondude e ngal alluwal fanɗungal on hewtataano ɗon few. Seedee mun yoga e mon ko aynooɓe( vigile) wonoo e ɗen leyɗe ka tawata ko mbawdi ardii.

Ko ɗum woni ko reenugol ayna haanduɗon wanaa ardiigu.

MO DAAWUUDA

ÑALNDE 25/3/2025