kawgal 17ɓiire UEFA Ero 2024 timmi e alat 15 lewru 7ɓuru ndee hitaande. Ko Dental Fedde Fuku koyɗe Erop (UEFA) yuɓɓata ngal kawgal lato balon worɓe hakkunde leyɗe Erop, waɗay ngal ɗuuɓi nayi kala.
Hikka ko Espaañ ƴetti deesawal ngal. Ɓe foolirno Bretani Mawdi (Engleteer) luggi 2 e 1. Loggi ɗin fow ko ka feccere ɗimmere waɗɗaa. Ɗiɗɗal Espaañ ngal wonii aranɓe foolugol laabi nayi gila ngal kawgal fuɗɗa.
Hino ley toɓɓe seeɗaaje fii ngal kawgal UEFA Ero 2024
Leydi jaɓɓiindi ndin : Almaañ
Nalɗi ɗin : Kawgal ngal waɗii gila 14/06 haa 14/07 hitaande 2024.
Ɗiɗɗe ɗen / Kippuuji : Ɗiɗɗe ngenndiije 24 tawaama e ngal
Nokkuuji ɗin : Fijooji ɗin waɗii e ca'e sappo e nder leydi Almaañ, ina jeyaa heen: Berlin, Munich, Dortmund, Stuttgart, Hamburg, Dusseldorf, Leypzig, Kolon, Frankfurt, e Gelsenkirchen.
Almaañ suɓaano jaɓɓagol ngal kawgal, yeeso leydi Turki, e lewru 7ɓuru 2018. Ko ngal kawgal mawngal ɗoo woni aranal ko Almaañ jaɓɓii gila kawgal fuku koyɗe winndere FIFA 2006.
Comments