Gine : Duwaañiiɓe sappo e go'o (11) tuumaama sortugol ɓuuɗi laamu. Hino eh maɓɓe hooreejo maɓɓe on e cukku makko on.

Muusa Kamara, hooreejo kiɗɗo duwaañiiɓe ɓen

Ɓee no tuumiraa waɗude laawol yoɓirgol ɓuuɗi ka suudu yoɓirdu wooturu, ngol tawata woowaaka yoɓireede fii tun ƴettugol jawɗi laamu ngun.

Ñaawirde Gine nden waɗii yamiroore nanngugolɓe, ñalnde alkamiisa 19 desaambur, ɓee duwaañiiɓe e oo hooreejo maɓɓe ina tuumaa sortugol ɓuuɗi ko ɓuri 700 miliyaar faran Gine.

Eh yewtere Ñaawirde Haɓirde Bonanndeeji Faggudu e Jawle ( ÑHBFJ - Crief), Muusa Kamara, hooreejo ɓee duwaañiiɓe, cukko makko on, Macky Agrebi JALLO e ardiiɓe jeenay (9) goo ina ñaawee sabu « fenugol e huutoragol fenaande, ngeenagol, sortugol jawle kafaaɗe, alɗirgol ko aldaa eh sariya, laɓɓingol jawle bonɗe e jokkondire »

Ɓe nannganooma, ɓe sokaa to kaso Konakri ka darɗe lewru desaambur. Ɓe tuumaama, wonndude eh jonnooɓe marsandiisuuji ɗuuɗuɗi, waɗugol laawol yoɓirgol ngol aldaa eh sariha ka gollirde huuɓitude duwaañi fii selingol buuɗi ɗin laawol yoɓirteegol ngol, ƴetta jawle leydi ndin.

Ɓee kununkooɓe aruɓe eh nguu laamu eh lewru 9ɓuru 2021, ɓaawo ɓe liɓude hooreejo leydi on, Alfa Konnde (hooreejo 2010-2021), waɗii golle mun haɓugol ngeenaari nantuɗi innde eh nder Gine. Hooreejo kununkooɓe ɓen, ardiiɗo leydi ndin, Jeneraal Mamadi Dummbuya, hollitii wonde wonaa « waaño ñanñe » wonaa. Lunndiiɓe ɓen no ŋiñude ko ndimaagu yimɓe ɓen wonaa eh bonneede kon e huutorgol ñaawirde nden eh hoore yimɓe ɓen.

iwdi jaayndeeji fii Diisondiral