Darnde hakkilande

D. DAYFALLAH

Gila 2014 woni ko mi anndindiri eh yoga eh ɗuuɗa-haal en ka mejaaji renndo, Ɓe dambii hoore maɓɓe kala ɓural diina eh kulol, Ɓe ɓornii comcol ganndo e reeniiɗo… Ɓe faamini, ɓe winndii eh kala fannu.

Gila duuɓi heewɗi hiɓe innora wallifanɗe e tafaramji… Kono enen hay deftun muulaaku eh innde maɓɓe en yi’aali.. Ko ɓuri hulɓinaade ko bi’ol hooreejo maɓɓe on, wondema ko kanko suɓinta tiitooɗe ɗen, e kadi o janngay wiɗtooji, o sellinana wiɗtooɓe ɓen.

Muulugol defte eh jamaanu men hannde, caɗeele ɗuuɗaa eh mum, ɗum non ko sabu jaalagol cuuɗi muulirɗi ɗi yoɓintaa…

Kala wiɗtiyanke anƴuɗo hino haɗtani muulugol deftere mum ko aldaa eh itto wuundu wajjuru. Ko neldugol deftere maa pet faade eh cuuɗi muulirɗi, nde weeɓitanee salndu ganndal si tawii pottal heɓike eh mun haray gasii…

Suudu muulirdu beyrut muulanii lan deftere an “ Dimɗe janngoowo tiɗniiɗo” ko aldaa eh yoɓugol wuundu. No woodi ko ɓuri ɗum, si aɗa welaa ko eh PDF neldataa deftere maa nden.

Musiɓɓe kala wiɗtiyanke dambuɗo hoore mun wiɗto, ngo muulaaka sabu ɓiɗtere maa anngal wuundu ko fenoowo.

Winndugol eh lo’we jokkorɗe no newii han! saakitugol ka mejaaji e ka janngirɗe afriknaaje wa mun eh welde-fii alaa. Kala almuudo jaaɓihaɗtirde e wiɗtiyanke tigiijo ko anndorta ko bindannɗe mun…

Neɗɗo ko gollal mum, nagge ko ɓiraaɗam mun!!

Awa yo bandan, ko haɗuma muulugol ɓataakuru maa majisteer ndun? ɗum no jeyaa eh gomɗinal ɓurngal famɗude.

Miɗo mari wiɗtooji heewɗi ka mejaaji heeriiɗi wano finnde, e fikhu, e afriknaaje, yoga eh majji mi gaynitaaki taho sabu nawnaare, mi saakayɗi ka woɗɗaa.. Ko ɗii woni konnguɗi sakkitori juhaa ɗin ko adii yaadu makko wirganllo, yalli juhaa o fenayno? Walla ko o maaginoowo jalniika mo gaynaa si wOnaa golle puyɗe… Mi anndaa, miɗo anndi tun yaasi kin no wuli moƴƴa, Nii-nii hunnde ŋakkiraa lan si wonaa daɓɓel besel.

Ɗum eh ɗum mun, miɗo yelanoo on poolgal heewirngal ɓernde tew goonga e cellal timmoode… Hara on yejjitaani ndiyam jam-jam e coofe ngelooba, e abbere barkunde ɗii hiɗi ɓuri labutaaneeji, paljol ñawndiigu alaa eh majji.

Karabol : D. DAYFALLAH